Avvalroq, Andijon shahridagi xususiy maktablardan birining 82 nafar o‘quvchisi ovqatdan zaharlangani haqida xabar berilgandi. Ma’lum bo‘lishicha, ovqatdan zaharlanganlar “Zahiriddin Muhammad Bobur Universal Academy” nomli nodavlat ta’lim muassasasi o‘quvchilari bo‘lib, qolgan 3 nafari o‘qituvchi va 4 nafari texnik xodim. Bu haqda Bosh prokuratura “Daryo”ga ma’lum qildi.
Mazkur holat yuzasidan dastlabki o‘rganishlar davomida, RShTTYM Andijon filiali, viloyat ko‘p tarmoqlar bolalar shifoxonasi va viloyat yuqumli kasalliklar shifoxonasiga murojaat qilganlardan 3 nafar o‘quvchining ahvoli o‘rtacha og‘ir holatda bo‘lib, 76 nafar o‘quvchi, 3 nafar o‘qituvchi, 4 nafar texnik xodim statsionar tartibda davolanayotganligi hamda 3 nafar o‘quvchiga birinchi tez tibbiy yordam ko‘rsatilib, uylariga ketishga ruxsat berilganligi va hozirda statsionar tartibda davolanayotgan bemorlarning ahvoli yaxshilanganligi sababli ularning uylariga ketishlariga ruxsat berish mumkinligi ma’lum qilindi.Voqea joyiga viloyat prokurori G‘ayratjon Fozilov, viloyat prokurorining birinchi o‘rinbosari K.Yo‘lbarsov, Andijon shahar prokurori Q.Asqarov, shahar prokuraturasi tergovchisi, shahar IIB boshlig‘i va tezkor-tergov guruhi xodimlari chiqdi.
Muassasada 236 nafar o‘quvchi tahsil olayotgan bo‘lib, tarbiyalanuvchilarga ertalabki nonushta uchun “Manniy bo‘tqasi”, soat 11:45 larda tushlik uchun birinchi taom sifatida “No‘xat sho‘rva”, ikkinchi taom sifatida “Uyg‘ur lag‘mon” berilganligi aniqlanib, ushbu taomlardan tekshirish uchun namunalar olindi.
Hozirda tergovga qadar tekshiruv harakatlari Andijon shahar prokuraturasi tomonidan olib borilmoqda. Tergovga qadar tekshiruv jarayoni viloyat prokuraturasi tomonidan nazoratga olingan. Natijasi yuzasidan qo‘shimcha axborot berilishi ma’lum qilindi.
Izoh (0)