“Toshshahartransxizmat” kompaniyasi ijtimoiy tarmoqlarda korxona tarkibidagi avtosaroylar avtobuslarining paxta mavsumiga jalb qilinayotgani natijasida yo‘nalishlarda transport yetishmay qolayotgani, tirbandliklar yuzaga kelayotgani haqidagi xabarlarga munosabat bildirdi.
Avtobus saroylariga biriktirilgan yo‘nalishlarning avtobuslari tasdiqlangan hujjat asosida shanba va yakshanbada ish kunlariga nisbatan yo‘lga kam chiqariladi. Avtobuslar kelib tushgan buyurtmaga asosan 2019-yilning 28-sentabrida xizmat ko‘rsatish uchun ajratildi va shu kunning o‘zida korxonalarga qaytib, yakshanba hamda dushanbada jadval bo‘yicha yo‘nalishlarga chiqarildi.Kompaniya yo‘lovchilar, ijtimoiy tarmoq vakillaridan jamoat transporti, ayniqsa avtobuslar bilan bog‘liq muammolar yuzaga kelganda, turli asossiz ma’lumotlarga tayanmaslikni, jamiyatga murojaat qilib vaziyatga oydinlik kiritishni so‘ragan.“Toshshahartransxizmat” kompaniyasi matbuot xizmati
Avvalroq “Toshshahatransxizmat” kompaniyasi 15-sentabr kuni Toshkent shahar jamoat transporti qatnovlarida yuz bergan uzilishlar yuzasidan izoh bergan edi.
Izoh (0)