Bugun,

  • USD 11095.31
  • RUB 173.84
  • EUR 10772.44

Fransiya hukumati mamlakat sobiq prezidenti Jak Shirakning vafoti munosabati bilan dushanba, 30-sentabr kunini umummilliy motam kuni deb e’lon qildi. Ushbu kunda Parijdagi Sen-Syulpis soborida sobiq prezidentni yodga olish marosimi bo‘lib o‘tadi, deb xabar berdi “Kommersant”.

Foto: MSN

Foto: MSN

29-sentabr kuni Yelisey saroyining eshiklari barcha uchun ochiq bo‘lib, odamlar motam kitobiga o‘zlarining hamdardliklarini yozib ketishi mumkin.

Fransiya sobiq prezidenti 26-sentabr kuni vafot etdi. U 86 yoshda edi.

Jak Shirak 1995—2007-yillarda, ikki marotaba Fransiya prezidenti bo‘lgan. Bungacha ikki bor — 1974—1976 va 1986—1988-yillarda mamlakat bosh vaziri bo‘lgan. Ikkinchi bosh vazirlik muddatini Parij meri lavozimi bilan birga o‘tkazgan. U Fransiya poytaxtini 18 yil davomida boshqargan.

Shirak Ikkinchi jahon urushida yahudiylarning deportatsiya qilinishiga Fransiyaning daxldorligini birinchi bo‘lib tan olgani, shuningdek, AQShning Iroqqa bostirib kirishini qo‘llab-quvvatlashdan bosh tortgani bilan tanilgan. Bundan tashqari, Shirak davrida Fransiya prezidentining vakolat muddati yetti yildan besh yilga kamaytirilgan.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Mahalliy
O‘zbekistonda pomidor narxi barqarorlashdi