Rossiyaning Yekaterinburg shahrida havaskor boks bo‘yicha Jahon chempionati davom etmoqda.
15-sentabr, yakshanba kuni -57 kilogramm vazn toifasidagi o‘zbekistonlik bokschi Mirazizbek Mirzahalilov o‘zining Jahon chempionatidagi ilk jangini o‘tkazdi.
O‘zbekiston terma jamoasi vakili braziliyalik Duglas de Andradega qarshi jang olib bordi va uni 5:0 hisobida mag‘lub etdi. Shu tariqa, Mirzahalilov keyingi bosqichga yo‘l oldi.
Eslatib o‘tamiz, bugun yana ikkita o‘zbekistonlik bokschi ringga ko‘tariladi.
-81 kg: Dilshodbek Ro‘zmetov — Pita Kabeji Peter (Kongo) (B ring, taxminiy boshlanish vaqti — 20:00)
-91 kg: Sanjar Tursunov — Abner Teysheyra (Braziliya) (B ring, taxminiy boshlanish vaqti — 21:50)
Yanada ko‘proq boks va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)