“O‘zbekiston — sivilizatsiya va yo‘llar chorrahasi: imperiyalar, din, madaniyat” nomli madaniy meros haftaligi ishtirokchilari Samarqandga tashrif buyurdi. Bu haqda Samarqand viloyati hokimligi matbuot xizmati ma’lum qildi.
Amir Temur yetti bog‘laridan biri — “Bog‘ishamol”ga o‘xshab tiklangan yangi bog‘ga tashrif buyurgan mehmonlar “Samarqand — Buyuk ipak yo‘li yuragi” liboslar festivalini tomosha qilgan.
“Tashkilotchilar har bir mehmon Temuriylar davri voqeligini his qilishlari uchun qadimiy kiyimlar, Samarqand ustalarining asarlaridan iborat hunarmandchilik buyumlari, sharqona bozorning ajoyib ne’matlari bilan o‘rta asrlar muhitini yaratishga harakat qildi”, — deyiladi xabarda.
Bularning barchasi teatrlashtirilgan va xalq og‘zaki ijodi tomoshalari namoyishi bilan birgalikda o‘tgan.
Izoh (0)