25-avgust, yakshanba kuni “Xovos—Farg‘ona” yo‘nalishidagi magistral gaz quvurida portlash sodir bo‘ldi. Bu haqda “Sirdaryo xabarlari” Telegram-kanali xabar berdi.
Sirdaryo viloyati hokimligi axborot xizmati hodisa tafsilotlarini quyidagicha izohladi:
2019-yil 25-avgust kuni soat 9:45 da Sirdaryo viloyati Xovos tumani ‘Navro‘z’ mahallasi yaqinidagi ekin maydoni hududidan o‘tgan ‘Xovos—Farg‘ona’ magistral gaz tarmog‘ining 2-nitkasi 13,4 kilometridagi diametri 1020 millimetr bo‘lgan quvurda portlash sodir bo‘ldi.
Tarmoqqa xizmat ko‘rsatuvchi G‘allaorol magistral gaz quvurlari boshqarmasining Yangiyer kompressor stansiyasi xodimlari tomonidan soat 10:10 da quvurdan gaz chiqishi butunlay to‘xtatildi.
Hududda yong‘in hamda insonlar va hayvonlarning jarohat olishi bilan bog‘liq talofatlar sodir bo‘lmadi.
Hozirgi vaqtda Yangiyer kompressor stansiyasi xodimlari tomonidan avariya holati bartaraf etilmoqda.
Izoh (0)