Kaliforniyaning Long-Bich shahridagi Marriott mehmonxonasi oshpazi mijozlar va xodimlarni ommaviy otib tashlamoqchi bo‘ldi. Forum Daily’ning yozishicha, u rejasini amalga oshirishdan avval qo‘lga olingan.
Politsiya 37 yoshli Rodolfo Montoyyani uning hamkasblari yordamida hibsga olib, otishma sodir bo‘lishining oldini olgan. U o‘z uyida ushlangan bo‘lib, u yerda o‘qotar qurollar, yuzlab o‘q-dorilar va taktik aslahalar va Kaliforniya qonuniga ko‘ra saqlash ta’qiqlangan avtomat topilgan.
Shahar politsiyasi rahbari Robert Lunaning so‘zlariga ko‘ra, gumonlanuvchining ommaviy qurbonlarga olib kelishi mumkin bo‘lgan zo‘ravonlik harakatini amalga oshirishning puxta rejasi bo‘lgan.
Rodolfo Montoyya 22-avgust kuni sud qilingan. Unga hujum qurolini saqlash va jinoiy tahdid yaratish ayblovlari qo‘yilgan. Gumonlanuvchiga 500 ming dollar miqdorida garov tayinlangan.
Izoh (0)