Sharqiy harbiy okrug “Farg‘ona” dala-o‘quv maydonida okrug havo-desanti bo‘linmasi shaxsiy tarkibi tunda parashyut bilan sakrash jangovar o‘quv mashg‘ulotlarini bajardi. Bu haqda Sharqiy harbiy okrug matbuot xizmati “Daryo”ga ma’lum qildi.
Tunda 600 metr balandlikdan sakrashning texnik, jismoniy va ruhiy ko‘nikmalarini hosil qilgan 128 nafar desantchi D-6 parashyuti bilan sakrashni muvaffaqiyatli amalga oshirdi.
— Desantchilar uchun tungi sakrash mashg‘ulotlari muhim tajriba hisoblanadi, — deydi shartnoma bo‘yicha harbiy xizmatchi, oddiy askar Aziz Salimov. — Biz ushbu mashg‘ulotlar davomida jangovar shaylik va individual mahoratimizni yanada oshirdik. Birinchi marta parashyut bilan sakragan harbiy xizmatchilar uchun bu amaliyot chin ma’noda unutilmas bo‘ldi.
Mazkur amaliy sakrash mashg‘ulotlarida ilk bor ishtirok etgan harbiy xizmatchilar Sharqiy harbiy okrug qo‘shinlari qo‘mondonining faxriy yorlig‘i bilan taqdirlandi.
Izoh (0)