Qirg‘izistonning sobiq prezidenti Almazbek Atambayevga nisbatan noqonuniy tarzda ozodlikka chiqarilgan jinoiy avtoritetdan pora olish aybi ilgari surilmoqda. Bu haqda Atambayevning advokati Sergey Slesaryovning so‘zlariga asoslanib, “TASS” xabar berdi.
“Atambayev Aziz Batukayev jinoyat ishi bo‘yicha korrupsiya tashkil etishda ayblanmoqda”, — deyiladi xabarda.
Jinoiy avtoritet Aziz Batukayev 2013-yilda sog‘lig‘i tufayli ozodlikka chiqarilgan edi. O‘shanda tibbiyot xodimlari uning og‘ir onkologik kasallikka chalingani haqida xulosa bergan.
Batukayev ozodlikka chiqish bilan xorijga ketgan. 2018-yilda mazkur ish bo‘shicha tekshiruv boshlangan. Ish bo‘yicha o‘nlab odam hibsga olinib, tergov qilingan edi.
Batukayev ishi bo‘yicha Qirg‘izistonning sobiq bosh vaziri Shamil Ataxanov, sobiq sog‘liqni saqlash vaziri Damira Saginbayeva va boshqa rahbar xodimlar hibsga olingan.
Izoh (0)