Pop tumanida joylashgan G‘urumsaroy garnizonida tikuv korxonasi ishga tushdi. Bu haqda “Daryo” muxbiri xabar bermoqda.
Namangan harbiy prokuraturasi tomonidan o‘tkazilgan sayyor qabul davomida qismda xizmat qiluvchi askar Rafiq Ahmedovning turmush o‘rtog‘i chevarlikdan xabari borligini bildirib, ishlab chiqarishni yo‘lga qo‘yish maqsadida joy ajratish va kredit olishda yordam so‘ragandi.
Prokuratura ko‘magi bilan qisqa fursatda ushbu masalalar hal etildi.
— Bizga harbiy qism hududidan bino ajratib berildi. Ta’mirlab, tikuv mashinalari olib keldik. Hozir bu yerda o‘zim kabi harbiylarning turmush o‘rtog‘i bo‘lgan 21 nafar ayol bilan ish boshladik. Asosan harbiy liboslar va ayollar uchun ko‘ylaklar tikilmoqda. Tayyorlagan mahsulotlarimiz manzur bo‘lsa, ishlab chiqarish ko‘lami albatta yanada kengayadi, — deydi Nasiba Ahmedova.
Izoh (0)