Поп туманида жойлашган Ғурумсарой гарнизонида тикув корхонаси ишга тушди. Бу ҳақда «Дарё» мухбири хабар бермоқда.
Наманган ҳарбий прокуратураси томонидан ўтказилган сайёр қабул давомида қисмда хизмат қилувчи аскар Рафиқ Аҳмедовнинг турмуш ўртоғи чеварликдан хабари борлигини билдириб, ишлаб чиқаришни йўлга қўйиш мақсадида жой ажратиш ва кредит олишда ёрдам сўраганди.
Прокуратура кўмаги билан қисқа фурсатда ушбу масалалар ҳал этилди.
— Бизга ҳарбий қисм ҳудудидан бино ажратиб берилди. Таъмирлаб, тикув машиналари олиб келдик. Ҳозир бу ерда ўзим каби ҳарбийларнинг турмуш ўртоғи бўлган 21 нафар аёл билан иш бошладик. Асосан ҳарбий либослар ва аёллар учун кўйлаклар тикилмоқда. Тайёрлаган маҳсулотларимиз манзур бўлса, ишлаб чиқариш кўлами албатта янада кенгаяди, — дейди Насиба Аҳмедова.
Изоҳ (0)