Samarqand viloyati sobiq hokimi Turobjon Jo‘rayev 13 yilga ozodlikdan mahrum etildi, deya xabar bermoqda “Minbar”.
2-avgust kuni jinoyat ishlari bo‘yicha Toshkent viloyati sudining yopiq sud majlisida sobiq hokim Turobjon Jo‘rayev va uning jinoiy sheriklariga nisbatan sud hukmi o‘qilgan.
“Jinoiy guruh rahbari” deya ko‘rsatilgan Turobjon Jo‘rayev Jinoyat kodeksining 205 (hokimiyat yoki mansab vakolati doirasidan chiqish) va 210 (pora olish) moddalari bilan aybdor deb topilgan. Uning o‘rinbosari O‘tkir Abdullayev 11 yilga, hokimlik bosh mutaxassisi Bahodir Xo‘jaqulov 7 yilga, mutaxassislar Botir Abdullayev 6 yilga va To‘lqin Sulaymonov 5 yilga (shartli) ozodlikdan mahrum qilindi.
Qayd etilishicha, Samarqand viloyatining sobiq hokimi Turobjon Jo‘rayev Samarqand shahrida ko‘p qavatli uy-joylar qurish uchun pudratchilardan jami 2 140 000 dollar miqdorida pora olgan.
Izoh (0)