Shavkat Mirziyoyev Oqdaryo tumanidagi “Pure milk Oqdaryo” fermer xo‘jaligi dalasida bo‘lib, mirishkorlar bilan suhbatlashdi. Bu haqda Prezident matbuot xizmati ma’lum qildi.

Foto: Prezident matbuot xizmati

— Qanday qilib odamlarning daromadini oshiramiz, degan savol meni har kuni qiynaydi. Buning uchun har bir hudud, har bir sohada imkoniyatlar bor. Qishloq xo‘jaligida — yangi texnologiyalarni joriy qilib, hosildorlikni oshirish, xomashyoni qayta ishlash. Qayta ishlash bo‘lsa, daromad, ish o‘rni ko‘payadi, — dedi Prezident.

Foto: Prezident matbuot xizmati

Paxtachilik va chorvachilikka ixtisoslashgan mazkur fermer xo‘jaligining maydoni 1 ming 360 gektar. G‘o‘zani tomchilatib sug‘orish joriy etilgan.

Davlat rahbari qolgan xo‘jalik va klasterlar yerini ham tomchilatib sug‘orishga o‘tkazish, hosildorlik past maydonlarda g‘allani qisqartirib, daromadi undan yuqori meva-sabzavotlar ekish, fermer va klasterlar uchun minitexnologiyalar yetkazib berish bo‘yicha ko‘rsatmalar berdi.

Foto: Prezident matbuot xizmati