Vashington Rossiya diplomatlariga qarshi viza urushini boshlab yubordi. “Gazeta.ru”ning xabar berishicha, bu haqda Rossiyaning AQShdagi elchisi Anatoliy Antonov ma’lum qilgan.
U bunday siyosatdan Rossiyadagi amerikalik diplomatlar ham aziyat chekayotganini ta’kidlagan, shuningdek 2018-yilda rossiyalik diplomatlarning 60 nafari AQShdan chiqarib yuborilganini eslatgan.
Elchining qo‘shimcha qilishicha, Amerika hukumati Rossiyadan bo‘lgan diplomatlar va ma’muriy-texnik tartibdagilarga viza berishni to‘xtatgan. “Ular ayirboshlash tizimini joriy etdi — rossiyalik har bir diplomat uchun amerikalik diplomatga viza berishimiz lozim”, — deb izohlagan u.
Antonovning aytishicha, bunday choralar mamlakatlar o‘rtasidagi munosabatlarni tenglashtirishga to‘sqinlik qiladi.
Izoh (0)