Somalining Kismayo shahrida joylashgan mehmonxonada bomba portlashi va undan so‘ng sodir bo‘lgan otishmalar oqibatida kamida 10 kishi halok bo‘ldi, deb xabar beradi “Korrespondent.net”.

Foto: Twitter / Sotiri Dimpinoudis

Bomba portlagan mehmonxonada mahalliy amaldorlar va oqsoqollar o‘tkazilishi rejalashtirilayotgan mintaqaviy saylovlarni muhokama qilayotgan bo‘lgan.

Hujum bo‘yicha mas’uliyatni “Al-Qoida” tarmog‘iga aloqador ash-Shabab ekstremistik guruhi o‘z bo‘yniga oldi.

“Avvaliga biz bombani portlatdik, shundan so‘ng qurollangan mujohidlar mehmonxonaga bostirib kirdi. Mehmonxona ichida hujumlarni davom ettirmoqdamiz”, — deyiladi terrorchilarning xabarida.

Otishma qurbonlari ko‘p bo‘lishi mumkin, chunki soqchilar va jangarilar o‘rtasidagi otishma davom etmoqda.