2019-yilning 9-iyul kuni Toshkent viloyati O‘rtachirchiq tumani “Yangihayot” MFY Yangihayot ko‘chasi 16-uyda yong‘in sodir bo‘layotgani haqida tuman YoXB dispetcherlik xizmatiga xabar kelib tushgan, bu haqda O‘zbekiston Respublikasi FVV YoXBB OAV bilan hamkorlik qilish bo‘linmasi xabar qiladi.
Voqea joyiga yetib borgan 4 ta yong‘in o‘chirish bo‘linmalarining tezkor harakatlari natijasida uyning 300 kv/metr maydoni yong‘indan saqlab qolingan. Shuningdek, yong‘inda fuqarolarning tan jarohati olishlariga va halok bo‘lishlariga yo‘l qo‘yilmagan. Yong‘in oqibatida uyning 90 kv/metr maydonda tomi, shifti va uy jihozlari yonib zararlangan.
Hodisaning taxminiy kelib chiqish sababi — bolalar sho‘xligi. Moddiy zarar miqdori aniqlanmoqda.
Izoh (0)