“Barselona” yarim himoyachisi Denis Suares “Selta”ga o‘tdi. Bu haqda kataloniyaliklarning rasmiy saytida e’lon qilindi.
“Selta” 25 yoshli futbolchi uchun “Barselona” hisob raqamiga 12,9 million yevro o‘tkazadigan bo‘ldi. Klub shartnomaga ko‘ra yana qo‘shimcha bonus sifatida 3,1 million yevro to‘lashi ham mumkin.
Avvalroq Suares “Valensiya”ga o‘tishi mumkinligi haqida xabar berilgandi. Xavbek o‘z vaqtida “Selta” yoshlar jamoasida to‘p surgan. Keyinchalik esa ijara asosida “Sevilya” hamda “Vilyarreal” tarkibida ham o‘ynagandi.
Ma’lumot uchun, Suares 2018/19-yilgi mavsum “Barselona” safida Ispaniya chempionatida bor-yo‘g‘i 2 ta uchrashuvda maydonga tushdi.
Qishki transferla vaqtida esa “ko‘k-anorranglilar” futbolchini “Arsenal”ga ijaraga berib yuborgandi. U Angliya chempionatida 4 ta o‘yin o‘tkazdi va maydonda atigi 67 daqiqa o‘ynadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)