PSJdan yaqindagina ketganini e’lon qilgan Janluiji Buffon “Yuventus”ga qaytishga yaqin turibdi. Bu haqda taniqli jurnalist Janluka di Martsio xabar berdi.
41 yoshli darvozabon Turin klubi bilan muzokaralar olib bormoqda. U jamoada Voytsex Shchensnining o‘rinbosari sifatida o‘ynashga rozilik berdi.
Klubning ikkinchi raqamli darvozaboni Mattia Perin yozgi transferlar vaqtida jamoani tark etadi. U “Yuventus”da atigi bitta mavsum o‘tkazdi.
Eslatib o‘tamiz, Buffon 2018-yilning yozida PSJga erkin agent sifatida kelgandi. Bunga qadar u 17 yil mobaynida “Yuventus” sharafini himoya qilib kelgan.
Ma’lumot uchun, italiyalik 2018/19-yilgi mavsum Liga 1’da 17 ta uchrashuvda maydonga tushdi va u klub bilan mamlakat chempioniga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)