24-iyunning e’tiborga molik yangiliklari — “Daryo” dayjestida.
Qozog‘istonning Aris shahrida portlashlar oqibatida 1 kishi halok bo‘ldi.
24-iyun kuni ertalab taxminan soat 09:20 da Qozog‘istonning Aris shahrida joylashgan harbiy qismda yong‘in yuz berdi, keyinchalik o‘q-dorilar portlashi sodir bo‘ldi.
Jabrlanganlar bor, 31 kishi shifoxonaga jo‘natilgan. Ikki kishi og‘ir ahvolda. Bir kishi halok bo‘ldi. Uning mashinasiga o‘q tushdi.
***
Shveysariya Gulnora Karimovaning ishi bo‘yicha 130 mln dollarni O‘zbekistonga qaytaradi.
Ushbu mablag‘lar noqonuniy orttirilgani, so‘ng chet elga, asosan Shveysariyaga olib chiqib ketilgani aniqlandi. Mablag‘lar bir necha yil avval xatga olingan. 6 yildan ortiqroq davom etgan jinoyat ishi doirasida jami 784 million dollarga yaqin pul muzlatilgan. Qolgan mablag‘lar haligacha muzlatilgan holatda turibdi.
***
Respublika bozorlaridagi oziq-ovqat, nooziq ovqat va qishloq xo‘jaligi mahsulotlarining 2019-yil 23-iyun holatidagi narxlari o‘rganildi.
Xususan, eng arzon mol go‘shti Qoraqalpog‘iston Respublikasining Nukus shahar markaziy dehqon bozori, Navoiy shahri “Saxovat” MChJga qarashli markaziy dehqon bozori hamda poytaxtdagi “Farhod” bozorida kuzatildi. Ushbu bozorda 1 kilogramm mol go‘shtining narxi 28 000 so‘mdan – 40 000 so‘mgacha sotilmoqda.
Bir kilogramm mol go‘shti uchun eng qimmat narx Xorazmning Urganch shahar markaziy dehqon bozorida qayd etilgan – 34 000 – 41 000 so‘m.
***
Shvetsiyada 35 yashar O‘zbekiston fuqarosi ijaraga olingan kvartirada vafot etdi.
Shvetsiya poytaxti Stokgolmda joriy yil 21-iyun kuni 35 yashar O‘zbekiston fuqarosi Akmalxon Cho‘liyev ijaraga olingan kvartirada vafot etdi.
***
IIV Surxondaryoda pensiya yoshidagi o‘qituvchining sobiq o‘quvchilari tomonidan kaltaklanishi haqidagi xabar yuzasidan izoh berdi.
Shu yilning 9-iyun kuni Surxondaryo viloyati Uzun tumani “Chaqar” mahallasida yashovchi, fuqaro Xasanova Munavvarani mahalladoshlari, ya’ni, shu mahallada yashovchi fuqarolar Q.S. va Yu.J.lar urib tan jarohati yetkazganligi haqida Uzun tumani Ichki ishlar bo‘limi Navbatchilik qismiga Uzun tumani tibbiyot birlashmasining tibbiyot xabarnomasi kelib tushgan.
Izoh (0)