24 июннинг эътиборга молик янгиликлари — «Дарё» дайжестида.
Қозоғистоннинг Арис шаҳрида портлашлар оқибатида 1 киши ҳалок бўлди.
24 июнь куни эрталаб тахминан соат 09:20 да Қозоғистоннинг Арис шаҳрида жойлашган ҳарбий қисмда ёнғин юз берди, кейинчалик ўқ-дорилар портлаши содир бўлди.
Жабрланганлар бор, 31 киши шифохонага жўнатилган. Икки киши оғир аҳволда. Бир киши ҳалок бўлди. Унинг машинасига ўқ тушди.
***
Швейцария Гулнора Каримованинг иши бўйича 130 млн долларни Ўзбекистонга қайтаради.
Ушбу маблағлар ноқонуний орттирилгани, сўнг чет элга, асосан Швейцарияга олиб чиқиб кетилгани аниқланди. Маблағлар бир неча йил аввал хатга олинган. 6 йилдан ортиқроқ давом этган жиноят иши доирасида жами 784 миллион долларга яқин пул музлатилган. Қолган маблағлар ҳалигача музлатилган ҳолатда турибди.
***
Республика бозорларидаги озиқ-овқат, ноозиқ овқат ва қишлоқ хўжалиги маҳсулотларининг 2019 йил 23 июнь ҳолатидаги нархлари ўрганилди.
Хусусан, энг арзон мол гўшти Қорақалпоғистон Республикасининг Нукус шаҳар марказий деҳқон бозори, Навоий шаҳри «Саховат» МЧЖга қарашли марказий деҳқон бозори ҳамда пойтахтдаги «Фарҳод» бозорида кузатилди. Ушбу бозорда 1 килограмм мол гўштининг нархи 28 000 сўмдан – 40 000 сўмгача сотилмоқда.
Бир килограмм мол гўшти учун энг қиммат нарх Хоразмнинг Урганч шаҳар марказий деҳқон бозорида қайд этилган – 34 000 – 41 000 сўм.
***
Швецияда 35 яшар Ўзбекистон фуқароси ижарага олинган квартирада вафот этди.
Швеция пойтахти Стокгольмда жорий йил 21 июнь куни 35 яшар Ўзбекистон фуқароси Акмалхон Чўлиев ижарага олинган квартирада вафот этди.
***
ИИВ Сурхондарёда пенсия ёшидаги ўқитувчининг собиқ ўқувчилари томонидан калтакланиши ҳақидаги хабар юзасидан изоҳ берди.
Шу йилнинг 9 июнь куни Сурхондарё вилояти Узун тумани «Чақар» маҳалласида яшовчи, фуқаро Хасанова Мунавварани маҳалладошлари, яъни, шу маҳаллада яшовчи фуқаролар Қ.С. ва Ю.Ж.лар уриб тан жароҳати етказганлиги ҳақида Узун тумани Ички ишлар бўлими Навбатчилик қисмига Узун тумани тиббиёт бирлашмасининг тиббиёт хабарномаси келиб тушган.
Изоҳ (0)