Yaqinda ijtimoiy tarmoqlarda “Suddagi chirkin holatlar yoxud hiylalar qachongacha davom etadi!” sarlavhali maqola e’lon qilingan edi, deb yozadi O‘zA.
Maqolada keltirilgan sud zali sun’iy band qilib qo‘yilgan, degan iddao asosga ega emasligi sud majlisi ochiq bo‘lib o‘tgani, unda xohlagan shaxs ishtirok etishi mumkin bo‘lganligi xususida kechagi bayonotida ma’lum qilgan.
Maqolada keltirilgan mutaxassisni taklif qilish va uning ishtiroki masalasida shuni aytish joizki, O‘zbekiston Respublikasi Ma’muriy sud ishlarini yuritish to‘g‘risidagi kodeksning 54-moddasi 4-qismiga muvofiq, sud mutaxassisni tarafning iltimosnomasiga ko‘ra ham jalb etishga haqli. Ishda ishtirok etuvchi shaxslar maxsus bilim va ko‘nikmalarga ega bo‘lgan muayyan shaxsni mutaxassis sifatida jalb etish to‘g‘risida sudga iltimosnoma kiritishi mumkin.
Arizachi A.Yakubov tomonidan sudga iltimosnoma kiritilib, O‘zbekiston Musulmonlari idorasi yoki Toshkent Islom instituti xodimlaridan birini mutaxassis sifatida ishga jalb etish so‘ralgan, biroq, aniq bir shaxs ko‘rsatilmagan. Sud ushbu iltimosnomani qanoatlantirib, mutaxassis sifatida Toshkent Islom institutining o‘quv va ilmiy ishlar bo‘yicha prorektorini ishga jalb etgan va bu o‘rinda qonun talablari buzilmagan.
Maqolada aytilganidek, O‘zbekiston Xalqaro Islom akademiyasi, O‘zbekiston Musulmonlari idorasi, Vazirlar Mahkamasi huzuridagi Din ishlari bo‘yicha qo‘mita vakillari ishda mutaxassis sifatida emas, balki javobgar sifatida ishtirok etgan.
Ushbu ma’muriy ish 2019-yil 15-fevral kuni Shayxontohur tuman ma’muriy sudi tomonidan ko‘rilib, arizani qanoatlantirish rad etilgan.
Toshkent shahar ma’muriy sudi apellyatsiya instansiyasining 2019-yil 13-martdagi qaroriga muvofiq, hal qiluv qarori o‘zgarishsiz, apellyatsiya shikoyati qanoatlantirilmasdan qoldirilgan.
Mazkur ish yuzasidan Oliy sudga nazorat tartibida shikoyat berilgan. Oliy sudda ushbu ish o‘rganib chiqilib, shikoyatni sudlov hay’atida ko‘rib chiqishga asos yo‘qligi uchun rad etilgan.
Izoh (0)