Яқинда ижтимоий тармоқларда «Суддаги чиркин ҳолатлар ёхуд ҳийлалар қачонгача давом этади!» сарлавҳали мақола эълон қилинган эди, деб ёзади ЎзА.
Мақолада келтирилган суд зали сунъий банд қилиб қўйилган, деган иддао асосга эга эмаслиги суд мажлиси очиқ бўлиб ўтгани, унда хоҳлаган шахс иштирок этиши мумкин бўлганлиги хусусида кечаги баёнотида маълум қилган.
Мақолада келтирилган мутахассисни таклиф қилиш ва унинг иштироки масаласида шуни айтиш жоизки, Ўзбекистон Республикаси Маъмурий суд ишларини юритиш тўғрисидаги кодекснинг 54-моддаси 4-қисмига мувофиқ, суд мутахассисни тарафнинг илтимосномасига кўра ҳам жалб этишга ҳақли. Ишда иштирок этувчи шахслар махсус билим ва кўникмаларга эга бўлган муайян шахсни мутахассис сифатида жалб этиш тўғрисида судга илтимоснома киритиши мумкин.
Аризачи А.Якубов томонидан судга илтимоснома киритилиб, Ўзбекистон Мусулмонлари идораси ёки Тошкент Ислом институти ходимларидан бирини мутахассис сифатида ишга жалб этиш сўралган, бироқ, аниқ бир шахс кўрсатилмаган. Суд ушбу илтимосномани қаноатлантириб, мутахассис сифатида Тошкент Ислом институтининг ўқув ва илмий ишлар бўйича проректорини ишга жалб этган ва бу ўринда қонун талаблари бузилмаган.
Мақолада айтилганидек, Ўзбекистон Халқаро Ислом академияси, Ўзбекистон Мусулмонлари идораси, Вазирлар Маҳкамаси ҳузуридаги Дин ишлари бўйича қўмита вакиллари ишда мутахассис сифатида эмас, балки жавобгар сифатида иштирок этган.
Ушбу маъмурий иш 2019 йил 15 февраль куни Шайхонтоҳур туман маъмурий суди томонидан кўрилиб, аризани қаноатлантириш рад этилган.
Тошкент шаҳар маъмурий суди апелляция инстанциясининг 2019 йил 13 мартдаги қарорига мувофиқ, ҳал қилув қарори ўзгаришсиз, апелляция шикояти қаноатлантирилмасдан қолдирилган.
Мазкур иш юзасидан Олий судга назорат тартибида шикоят берилган. Олий судда ушбу иш ўрганиб чиқилиб, шикоятни судлов ҳайъатида кўриб чиқишга асос йўқлиги учун рад этилган.
Изоҳ (0)