O‘zbekiston Prezidenti Oliy Majlis Senatining 20-yalpi majlisida so‘zlagan nutqida bugun dunyo hamjamiyatining O‘zbekistonga bo‘lgan qiziqishi tobora ortib borayotganini aytib o‘tdi, deb xabar berdi “Daryo” muxbiri Sevara Nishonova.
“O‘zbekistonda shu paytgacha hokimlarga chet elga chiqish mumkinmas edi. Men esa ularni xorijiy davlatlarga yuboryapman. Nimaga? Ular ko‘rsin, o‘rgansin deyapman.Bizni hech kim tanimas edi. Bugun bizni tanishyapti. Jahon hamjamiyatida O‘zbekistonga nisbatan munosabat o‘zgaryapti, bizdan tashabbus, takliflar kutilyapti.
O‘zim ham har safar xorijiy davlatga safar qilsam, bir daqiqa vaqtni ham besamar ketkazmayman. U yerdagilarni O‘zbekistondagi vaziyatdan xabardor qilay, sharoitlar bilan tanishtiray deyman. O‘zim bilan borgan odamlarni ham qiynayman, ishlashini talab qilaman, ularga ham oson emas”, — deydi prezident.
Izoh (0)