O‘zbekiston futbol assotsiatsiyasi birinchi vitse-prezidenti Umid Ahmadjonov iste’foga chiqish bo‘yicha ariza yozdi, deb xabar beradi O‘FA matbuot xizmati.
Ahmadjonov futbol assotsiatsiyasidagi ishidan tashqari bir vaqtning o‘zida Osiyo Olimpiya kengashi vitse-prezidenti (2019-yil 3-martidan) lavozimida ham faoliyat olib borayotgandi.
Ahmadjonov faoliyati yakunida quyidagilarni bayon qilgan:
Osiyo Olimpiya kengashi vitse-prezidentligi — nihoyatda mas’uliyatli vazifa. Kelasi yil Tokioda Olimpiya o‘yinlari boshlanadi. Mazkur musobaqaga vaqt kam qolmoqda. Xizmat safarlari ko‘p. Shu sababdan O‘zbekiston futbol assotsiatsiyasi vitse-prezidentligidan bo‘shash bo‘yicha ariza yozdim.Eslatib o‘tamiz, Ahmadjonov joriy yilning 15-may kuni Milliy olimpiya qo‘mitasi rahbarligidan ham iste’foga chiqqandi.O‘ylashimcha, o‘tgan vaqt davomida o‘zbek futboli rivoji uchun astoydil mehnat qilib, qo‘limizdan kelgan barcha chora-tadbirlarni amalga oshirdik. Bularning samarasi asta-sekin ko‘zga tashlanmoqda.
Shu o‘rinda yurtimizda sport rivojiga, xususan, futbol rivojiga katta ahamiyat qaratib kelayotgan muhtaram Prezidentimiz Shavkat Miromonovichga, barcha zarur shart-sharoitlarni yaratib berayotgan hukumatimiz rahbariyatiga minnatdorchilik bildirib o‘tmoqchiman.
Umid Ahmadjonov, Osiyo Olimpiya kengashi vitse-prezidenti
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)