Dastlabki ma’lumotlarga ko‘ra, qozog‘istonliklarning 70 foizi Qosim-Jo‘mart To‘qayevga o‘z ovozini berdi, deya xabar qiladi “Zakon.kz”.
“Yoshlik” ilmiy-tadqiqot markazi direktori Talgat Kaliyev saylov yakunlari bo‘yicha o‘tkazilgan brifingda nomzodlarning ehtimoliy to‘plagan ovozlarini ma’lum qildi. Unga ko‘ra, Qosim-Jo‘mart To‘qayev 70,13 foiz ovoz to‘plagan.
Shuningdek, Jambil Ametbekov — 2,86 foiz, Daniya Yespaeva — 5,32 foiz, Amirjan Kosanov — 15,39 foiz, Toleutay Rahimbekov — 3,03 foiz, Omongeldi Taspixov — 1,41 foiz, Sadibek Tugel — 0,86 foiz ovoz bilan keyingi o‘rinlarni egallagan.
Eslatib o‘tamiz, 9-iyun kuni Qozog‘istonda navbatdan tashqari prezidentlik saylovlari bo‘lib o‘tdi.
Izoh (0)