Qozog‘istonda saylovga qarshi namoyishga chiqqan o‘nlab kishilar ushlandi (foto)

Qozog‘iston poytaxti Nur-Sultondagi mitingda o‘nlab kishilar qo‘lga olindi, deb xabar beradi “Vedomosti.ru”. Namoyishchilar bugun, 9-iyun kuni Qozog‘istonda bo‘lib o‘tayotgan saylovni noqonuniy deb hisoblamoqda.

Ularning fikricha, saylovoldi kampaniyasiga va nomzodlar dasturlari bilan tanishishga kam vaqt ajratilgan. Odamlar “Sharmandalik!”, “Ozodlik!” shiorlarini baralla aytdi.

Huquq-tartibot organlari xodimlari namoyishchilarni tarqatib yuborish uchun kuch ishlatdi.

Aksiya “Yoshlar” saroyi qarshisidagi maydonda bo‘lib o‘tdi.

Bir necha o‘nlab kishilarni politsiyachilar tutib, majburlab avtobuslarga mindirib yubordi.