Joriy yil 1-iyun kuni Portugaliyaning Leyriya provinsiyasida 1983-yilda tug‘ilgan, Samarqand shahrida istiqomat qilgan Ikrom Negmatov pichoq bilan yetkazilgan jarohat oqibatida halok bo‘ldi. Bu haqda O‘zbekistonning Madriddagi elchixonasi ma’lum qildi, deya xabar beradi TIV matbuot xizmati.
Hozirgi paytda huquqni muhofaza qilish organlari tergov tadbirlarini olib bormoqda. Marhumning qarindoshlari Ikrom Negmatovning jasadini Samarqand shahrida dafn etish maqsadida jo‘natish uchun hujjatlarni tayyorlamoqda.
Elchixona vaziyatni nazoratga olgan va zarurat tug‘ilganda konsullik-huquqiy yordam ko‘rsatadi.
Izoh (0)