Жорий йил 1 июнь куни Португалиянинг Лейрия провинциясида 1983 йилда туғилган, Самарқанд шаҳрида истиқомат қилган Икром Негматов пичоқ билан етказилган жароҳат оқибатида ҳалок бўлди. Бу ҳақда Ўзбекистоннинг Мадриддаги элчихонаси маълум қилди, дея хабар беради ТИВ матбуот хизмати.
Ҳозирги пайтда ҳуқуқни муҳофаза қилиш органлари тергов тадбирларини олиб бормоқда. Марҳумнинг қариндошлари Икром Негматовнинг жасадини Самарқанд шаҳрида дафн этиш мақсадида жўнатиш учун ҳужжатларни тайёрламоқда.
Элчихона вазиятни назоратга олган ва зарурат туғилганда консуллик-ҳуқуқий ёрдам кўрсатади.
Изоҳ (0)