28-may kuni Telegram’dagi “Xushnudbek.uz” kanalida barcha OTMlarda ham hujjatlar davlat xizmatlari markazi va portal orqali qabul qilinmasligi, bu tartib faqat Davlat qabul komissiyasi tomonidan belgilanadigan ayrim OTMlar uchun amal qilishi, qolganlarida esa yana o‘tgan yillardagidek hujjatlar OTMlarning o‘zida qabul qilinishi haqida xabar chiqqan edi.
Mazkur masalaga DTMning vakili tomonidan quyidagicha izoh berildi:
“DXA ba’zi OTMlarni hujjatlarini oladi, lekin OTMlarda tashkil etilgan Qabul komissiyalaridagi texnik kotiblar yoki operatorlar ham xuddi DXA operatorlari kabi ishlashadi. Ya’ni DXA nima hujjat talab qilishsa shuni talab etishadi. Oldingidek barcha hujjatlarni olib kelish shart emas. Qabul komissiyasi DXAni takrorlaydi (“dublirovat” qiladi), xolos.
Abituriyent xohlagan OTMda xohlagan OTMga kirish uchun ro‘yxatdan o‘tishi mumkin bo‘ladi. Onlayn ro‘yxatdan avvalda ham aytilganidek barcha abituriyentlar o‘tishlari mumkin, faqat imtiyozlarga ega abituriyentlar DXA yoki OTMga borishadi”.Xabar so‘ngida, kanal admini Xushnudbek DTM vakili aytgan tartib ham hozircha rasman biror hujjat bilan tasdiqlanmaganini, loyiha maqomida ekanligini inobatga olish kerakligini ta’kidlab o‘tgan.
Izoh (0)