Yaqin kunlarda Toshkent shahar Uchtepa tumanining Lutfiy ko‘chasi bo‘ylab 2 kilometrlik yo‘lda kengligi 13 dan 16 metrgacha bo‘lgan yangi sayilgoh ochiladi. Bu haqda Toshkent shahar hokimligi matbuot xizmati xabar bermoqda.
O‘zbekiston Respublikasi Prezidenti Shavkat Mirziyoyevning Uchtepa tumaniga amalga oshirgan tashrifidan so‘ng, tumanda yangilanishlar boshlandi. Tez orada Lutfiy ko‘chasi bo‘ylab so‘lim sayilgoh tashkil etiladi. Unda aholining madaniy hordiq chiqarishi uchun ayvonlar o‘rnatiladi, taomlanish uchun sharoit yaratiladi, bolalar o‘yingohlari quriladi, sportning stol tennisi, shaxmat va shashka turlari bilan shug‘ullanish hamda skeyt uchish uchun alohida maydonlar barpo qilinadi. Kichik favvoralar o‘rnatiladi, shuningdek, hududning badiiy bezaklari ham zamonaviy va o‘ziga xos bo‘lishi ta’minlanadi.
Izoh (0)