Ramazon oyining 14-taroveh kechasi, 18–may sanasida Surxondaryo viloyatining Denov tumanidagi “Imom Buxoriy” jome masjidiga Sayyid Rahmatulloh Termiziy tashrif buyurdi. Bu haqda “Mehrob.uz” xabar bermoqda.
Sayyid Rahmatulloh Termiziy Denov xalqini muborak oy bilan tabriklab, Ramazon turkum suhbatlaridan barchani bahramand etdi. Mav’iza so‘ngida yurt tinchligi va farovonligi bardavom bo‘lishini so‘rab, duo qildi.
Bu yilgi Ramazon oyi barcha masjidlar singari “Imom Buxoriy” jome masjidida ham o‘zgacha shukuh bilan o‘tmoqda. Buni namozxonlarning yuz-ko‘zida o‘z aksini topib turgan minnatdorchilik ifodasidan ham bilish mumkin.
