Turkiyaning Ayvanlik kurort shaharchasi yaqinidagi Egey dengizi bo‘yidan turk jandarmasi va qirg‘oq soqchilari suvdan 1 551 kilogramm marixuana topdi. Bu haqda “Korrespondent.net” xabar berdi.
Ma’lum bo‘lishicha, voqea 8-may kuni sodir bo‘lgan. Vakuum qoplarga joylangan marixuanalarni olti kishi yog‘och qayiqda olib ketayotgan bo‘lgan. Yuk og‘irlik qilganidan qayiq cho‘kib ketgan.
Shundan so‘ng, dengizga oqib ketgan marixuana qoplarini huquq-tartibot xodimlari quruqlikka chiqarib olgan. Dengizdagi shubhali qoplar haqida ularga mahalliy aholi xabar bergan.
Yuklarni tashigan olti kishi qo‘lga olingan, ulardan beshtasi hibsga saqlanmoqda.
Izoh (0)