“Daryo” o‘tayotgan haftada qiziqish, e’tiroz hamda muhokamaga sabab bo‘lgan tvitlar bilan tanishtirishda davom etadi.

“Norvegiya, Islandiya, Finlyandiya, Daniya. Pompeo va Lavrov samarali muloqot o‘tadigan tushlikdan bosh tortgandan keyingi lahzalar. Mening ajoyib hamkasblarim”, — Anders Samuelsen, Daniya tashqi ishlar vaziri.

Skrin: “Daryo”

“Qishloq xo‘jaligi mahsulotlari sifatini nazorat qiluvchi idora Turkiyadan Rossiyaga olib kirilishi kerak bo‘lgan 20,8 ming tonna qulupnayni xavfli zararkunandalar aniqlangani bois to‘xtatib qo‘ydi”, — Turkiyadagi Rossiya tadqiqot instituti.

Skrin: “Daryo”

“@Reuters va uning taqdirlangan jurnalistlarini tabriklaymiz. Ularning ozod qilinishini ta’minlagan amnistiya aslida keraksiz edi. Ular (jurnalistlar) hech qanday jinoyat sodir etmagan, harholda ular endi yana o‘z kasbiy faoliyatiga qaytishi mumkin”, — Tomas Grov, Wall Street Journal.

Skrin: “Daryo”

“2019-yil. ‘Iqlim o‘zgarishi’ iborasini ishlatmasdan ‘iqlim halokati’, ‘iqlim muammosi, ekologik inqiroz, ekologik vaziyat halokati’ kabi iboralarni ishlatish payti kelmadimikin?” — Greta Tunberg, shvetsiyalik ekoharakat faoli.

Skrin: “Daryo”

“‘Styuardessalar sababgina omon qoldim. Ular qorong‘u va tutunga to‘lgan uchoqdan odamlarni qutqarishda davom etishardi’. Ko‘p guvohlarning aytishicha, ‘Aeroflot’ halokat paytida professional darajada ish yuritgan. Yo‘lovchilarning o‘zlari belgilangan tartibga bo‘ysunmay, muammolar keltirib chiqargan”, — Anna Lena Lauren,  Dagens Nyheter (Shvetsiya) hamda HBL (Finlyandiya) nashrlarining Moskvadagi muxbiri.

Skrin: “Daryo”

“Levada-sentr o‘tkazgan so‘rov natijalariga ko‘ra, 55 foiz ruslar Moskva Suriyadagi harbiy amaliyotlarni to‘xtatishi kerak deb hisoblaydi. 2017-yil avgustdagi so‘rovda rossiyaliklarning 49 foizi Suriyadagi amaliyotni to‘xtatish kerakligini bildirgan edi”, — Fabris Dyupre, La Croix.

Skrin: “Daryo”

“Ramazon oyi muborak. Muqaddas Ramazon oyi mamlakatimizga va butun islom olamiga birlik, tinchlik va xotirjamlik olib kelishini istayman”, — Mehmet Nuri Ersoy, Turkiya madaniyat va turizm vaziri.

Skrin: “Daryo”

“1956-yilda bu ayol Alabama universitetiga qabul qilingan ilk afroamerikalik ayol bo‘lgan, oradan uch kun o‘tib, bu ayol universitet talabalari safidan chiqarilgan. Hozirda 89 yoshli ayol oradan ancha vaqt o‘tib, o‘z dimplomiga ega bo‘ldi”, — CBS News axborot nashri.

Skrin: “Daryo”

Jahongir Ergashev tayyorladi.