AQShdagi uchta go‘zallik tanlovida birinchi marta qora tanli ayollar g‘olib bo‘ldi

AQShdagi uchta asosiy go‘zallik tanlovlarida tarixda birinchi marta qora tanli ayollar g‘olib bo‘ldi, deb xabar bermoqda “Gazeta.ru”.

Bunda gap “AQSh go‘zali”, “Yosh AQSh go‘zali” va “Amerika go‘zali” unvonlari haqida bormoqda.

Ta’kidlanishicha, bu AQShda shunday tanlovlar tarixidagi ahamiyatli voqeadir: bunday tadbirlar 1920-yillarda endi paydo bo‘lib kelayotganida qora tanli ayollar ishtirok etishiga umuman yo‘l qo‘yilmagan. Hatto tashkilotchilar qoidalarni o‘zgartirishni boshlaganidan keyin ham ularning yuqori unvonga sazovor bo‘lishi qiyin kechgan.