21-aprel, yakshanba kuni futbol bo‘yicha O‘zbekiston Superligasining 5-turi doirasida 2 ta bellashuv bo‘lib o‘tadi.
Avvalgi turda “Nasaf”ni mag‘lub etgan (1:0) Namanganning “Navbahor” klubi o‘z maydonida Termizning “Surxon” jamoasi bilan bahs olib boradi. Uchrashuv Toshkent vaqti bilan soat 17:15 da start oladi.
Ma’lumot uchun, “Surxon” 4-turda “Paxtakor” bilan durang o‘ynagandi (0:0).
Shu kuni Bekobodning “Metallurg” jamoasi Jizzaxning “So‘g‘diyona” klubi maydoniga safar qiladi. O‘yin soat 19:20 da boshlanishi belgilangan.
Eslatib o‘tamiz, bekobodliklar avvalgi turda “Qizilqum”ni yirik hisobda taslim qilgandi (4:1). “So‘g‘diyona” esa Samarqandning “Dinamo” klubiga kichik hisobda mag‘lub bo‘lgandi (0:1).
Superliga
5-tur bahslari
21-aprel, yakshanba
“Navbahor”—“Surxon” 17:15
“So‘g‘diyona”—“Metallurg” 19:20
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)