18-aprelning e’tiborga molik yangiliklari — “Daryo” dayjestida.

Foto: Prezident matbuot xizmati

Shavkat Mirziyoyevga Toshkentda “Osiyoda yil odami” mukofoti topshiriladi.

Shavkat Mirziyoyev Markaziy Osiyo mintaqasida totuvlik o‘rnatilishi va qo‘shni davlatlar bilan faol hamkorlik yo‘lga qo‘yilishiga katta hissa qo‘shgani munosabati bilan mukofotning “Siyosat” nominatsiyasida g‘olib deb topilgan.

***

Koreya Respublikasi prezidenti Mun Chje In Toshkentga keldi.

Islom Karimov nomidagi Toshkent xalqaro aeroportida oliy martabali mehmonni O‘zbekiston Bosh vaziri Abdulla Aripov kutib oldi.

So‘ng Koreya Respublikasi Prezidenti O‘zbekiston Bosh vaziri hamrohligida Toshkent shahridagi Inha universitetiga tashrif buyurib, mamlakatlar hamkorligida amalga oshirilishi rejalashtirilgan telemeditsina loyihasi taqdimoti bilan tanishdi.

***

Gitlerning ulkan rejasini barbod qilgan 101 o‘zbek haqida yangi tafsilotlar e’lon qilindi.

Bir yuz bir nafar o‘zbek — Gollandiyaning Amersfort shahridagi konslagerda jahannam azobini tortib, ko‘rsatgan qahramonliklari tufayli Gitlerning o‘ta mudhish rejasini barbod etganganliklari hamda fashistlarga jahon tarixini o‘zgartirishga yo‘l qo‘ymaganliklaridan bexabar halok bo‘lgan.

***

Andijonda qutqaruvchilar tog‘da yo‘qolib qolgan bolani hushsiz holda topdi.

Ma’lum bo‘lishicha, 2002-yilda tug‘ilgan Asadbek Abdurahimov tog‘da o‘rtoqlari bilan birga sayr qilib yurganda, oyog‘i sirpanishi natijasida pastga qulab tushgan.

***

Toshkentda 10-sinf o‘quvchisini o‘z maktabdoshi tanib bo‘lmas darajagacha do‘pposladi.

16-aprel kuni 91-sonli maktab yaqinida bolani parallel sinf o‘quvchisi D. do‘pposlagan.

Ma’lum bo‘lishicha, qo‘l jangi bilan shug‘ullanuvchi sportchi D. jabrlanuvchini bir zarbadayoq yiqitgan. U yerga yiqilib tushganidan keyin esa D. uni tanib bo‘lmas darajagacha do‘pposlagan.