Andijon viloyati FVV boshqarmasi tezkor navbatchilik qismi qutqaruvchilari tog‘da yo‘qolib qolgan bolani bir kundan so‘ng topdi, deb xabar berdi UZ24.

Foto: Uz24

Ma’lum bo‘lishicha, 2002-yilda tug‘ilgan Asadbek Abdurahimov tog‘da o‘rtoqlari bilan birga sayr qilib yurganda, oyog‘i sirpanishi natijasida pastga qulab tushgan.

Qidiruv natijalariga asosan, Asadbek baland tog‘ qoyalar ostidan 100 metr pastlikda daraxtlar ichida behush yotganligi aniqlangan.

FVV Andijon viloyat bo‘lim boshlig‘i Umidjon Ismoilov bolaning boshi jarohatlangani, hozirda ahvoli qoniqarli ekanini bildirgan.