Milliy gvardiya shaxsiy tarkibi ovqatlanishini tashkil etish uchun autsorsing xizmatlari ko‘rsatiladi

Hukumat qarori bilan Milliy gvardiyaning tegishli bo‘linmalarida shaxsiy tarkibning ovqatlanishini tashkil etish bo‘yicha autsorsing xizmatlari ko‘rsatish tartibi to‘g‘risidagi nizom tasdiqlandi. Bu haqda “Huquqiy axborot” kanali ma’lum qildi.

Nizomga muvofiq, autsorserlar xokimliklar tomonidan tanlab olinadi.

Autsorsing xizmati uchun hisob-kitob 15 foiz oldindan, 85 foiz haqiqatda ko‘rsatilgan xizmatlar summasidan kelib chiqib har 10 kunda, yakuniy hisob-kitob keyingi oyning 5-sanasigacha amalga oshiriladi.

Autsorser foydalanadigan oziq-ovqat mahsulotlari xalqaro va milliy standartlarga javob berishi shart.

Oziq-ovqat mahsulotlari sifati tibbiy xodim tomonidan tekshirib boriladi.

Oziq-ovqat mahsulotlarini qozonga solish Milliy gvardiya bo‘linmalari vakillari ishtirokida amalga oshiriladi.

Oshxona uchun berilgan moddiy-texnik vositalar autsorserga vaqtincha foydalanishga beriladi.