Ayni paytda Amerika Qo‘shma Shtatlarining Vashington shtatida Jahon banki inson kapitali loyihasining xalqaro forumi bo‘lib o‘tmoqda, deb xabar beradi Vazirlar Mahkamasi huzuridagi Ta’lim sifatini nazorat qilish davlat inspeksiyasi matbuot xizmati.
Foto: Vazirlar Mahkamasi huzuridagi Ta’lim sifatini nazorat qilish davlat inspeksiyasi matbuot xizmatiUshbu forumda Vazirlar Mahkamasi huzuridagi Ta’lim sifatini nazorat qilish davlat inspeksiyasi boshlig‘i U.Tashkenbayev, Xalq ta’limi vazirligi va Moliya vazirligidan mutasaddi rahbarlar ishtirok etmoqda. AQShda tashkil etilayotgan ushbu forumda dunyoning 50 ga yaqin mamlakatlarning hukumat koordinatorlari ishtirok etmoqda.
Forum davomida ishtirokchilarga IKL ning asosiy maqsadi, unga a’zo davlatlarning ijtimoiy himoyasi, sog‘lom turmush tarzi, bilim qo‘rsatkichlari kabi eng zaruriy faktorlarni yaxshilash borasida islohotlarni amalga oshirish, mamlakatning ko‘rsatkichlarini inobatga olgan holda kelgusidagi strategiyalarni ishlab chiqish kabi vazifalardan tashkil topganligi borasidagi ma’lumotlar berib borilmoqda.
Shuningdek, davlatlarning asosiy imkoniyatlarini ko‘rib chiqish, davlatdagi mavjud xolatlarni o‘rganish va tanqidiy kompitentlarni tahlil qilish, shuningdek, inson kapitalini yaxshilash uchun ushbu jarayon bilan bog‘liq bo‘lgan imkoniyatlar yaratish, bu borada bir necha mamlakatlarga murojaat qilish, muvafaqqiyatning eng muhim tarkibiy qismlarini aniqlash, tajribaga ega bo‘lgan mamlakatlarning tajribalarini o‘rganish kabi masalalarda ma’ruzalar qilinmoqda.
O‘zbekistondan Ta’lim sifatini nazorat qilish davlat inspeksiyasi vakillari tomonidan mamlakatda inson kapitali indeksini oshirish yo‘lida amalga oshirilayotgan islohotlar bo‘yicha taqdimot qilinmoqda.
Ma’lumot uchun, 2018-yil 10-oktabrda Indoneziyaning Bali shahrida IKL ishtirokchi davlatlarining sammitida O‘zbekiston birinchi marta ishtirok etgan edi. Unda ishtirok uchun muhim bo‘lgan chora-tadbirlar rejasi ishlab chiqilgan.
Ushbu rejani shakllantirishda O‘zbekistonning rivojlanish strategiyasidan foydalanish, UNESCO o‘tkazgan so‘rovlar natijalarini inobatga olingan.
Izoh (0)