Айни пайтда Америка Қўшма Штатларининг Вашингтон штатида Жаҳон банки инсон капитали лойиҳасининг халқаро форуми бўлиб ўтмоқда, деб хабар беради Вазирлар Маҳкамаси ҳузуридаги Таълим сифатини назорат қилиш давлат инспекцияси матбуот хизмати.
Фото: Вазирлар Маҳкамаси ҳузуридаги Таълим сифатини назорат қилиш давлат инспекцияси матбуот хизматиУшбу форумда Вазирлар Маҳкамаси ҳузуридаги Таълим сифатини назорат қилиш давлат инспекцияси бошлиғи У.Ташкенбаев, Халқ таълими вазирлиги ва Молия вазирлигидан мутасадди раҳбарлар иштирок этмоқда. АҚШда ташкил этилаётган ушбу форумда дунёнинг 50 га яқин мамлакатларнинг ҳукумат координаторлари иштирок этмоқда.
Форум давомида иштирокчиларга ИКЛ нинг асосий мақсади, унга аъзо давлатларнинг ижтимоий ҳимояси, соғлом турмуш тарзи, билим қўрсаткичлари каби энг зарурий факторларни яхшилаш борасида ислоҳотларни амалга ошириш, мамлакатнинг кўрсаткичларини инобатга олган ҳолда келгусидаги стратегияларни ишлаб чиқиш каби вазифалардан ташкил топганлиги борасидаги маълумотлар бериб борилмоқда.
Шунингдек, давлатларнинг асосий имкониятларини кўриб чиқиш, давлатдаги мавжуд холатларни ўрганиш ва танқидий компитентларни таҳлил қилиш, шунингдек, инсон капиталини яхшилаш учун ушбу жараён билан боғлиқ бўлган имкониятлар яратиш, бу борада бир неча мамлакатларга мурожаат қилиш, мувафаққиятнинг энг муҳим таркибий қисмларини аниқлаш, тажрибага эга бўлган мамлакатларнинг тажрибаларини ўрганиш каби масалаларда маърузалар қилинмоқда.
Ўзбекистондан Таълим сифатини назорат қилиш давлат инспекцияси вакиллари томонидан мамлакатда инсон капитали индексини ошириш йўлида амалга оширилаётган ислоҳотлар бўйича тақдимот қилинмоқда.
Маълумот учун, 2018 йил 10 октябрда Индонезиянинг Бали шаҳрида ИКЛ иштирокчи давлатларининг саммитида Ўзбекистон биринчи марта иштирок этган эди. Унда иштирок учун муҳим бўлган чора-тадбирлар режаси ишлаб чиқилган.
Ушбу режани шакллантиришда Ўзбекистоннинг ривожланиш стратегиясидан фойдаланиш, UNESCO ўтказган сўровлар натижаларини инобатга олинган.
Изоҳ (0)