10-aprel kuni O‘zbekiston Davlat san’at muzeyida “Buyuk dasht merosi: zargarlik san’ati shoh asarlari” ko‘rgazmasi oldidan qozog‘istonlik olimlar ishtirokida ilmiy ma’ruza bo‘lib o‘tdi. Bu haqda “Novosti Uzbekistana” xabar berdi.
Ilmiy ma’ruza Qozog‘iston Madaniyat va sport ishlari vazirligi, Qozog‘iston Milliy muzeyi va O‘zbekiston Davlat san’at muzeyi bilan hamkorlikda tashkil etildi.
O‘zbekistonlik ilmiy soha vakillari va talabalar Qozog‘iston hududida joylashgan sak davrining noyob tarixiy yodgorlilari tarixiga oid ma’lumotlarni Qozog‘istonning eng yirik olimlaridan eshitish imkoniga ega bo’lgan, ularning ayrimlari ko‘rgazmada namoyish etiladi.
Ko‘rgazmada Tilla odamning rekonstruksiyasini ko‘rish mumkin. A.X. Margulan nomidagi arxeologiya institutining bosh ilmiy xodimi, tarix fanlari nomzodi Arman Beysenov ushbu topilma nega “Tilla odam” deb atalishi haqida gapirgan.
“Bilamizki, oltin jangchi Olmaota viloyatining Issiq shahri yaqinidan topilgan. Bu ilk temir davri, aniqrog‘i, saklar vaqtiga to‘g‘ri keladi. 70-yillarda, qazish paytida, qirollik oilasidan bo‘lgan 17—18 yoshli yigitning qabri topilgan. U bilan birga boshidan to oyoqqacha bo‘lgan qizil rangdagi teridan qilingan kiyimlarga tikilgan 4 mingdan ziyod oltin buyum ham topilgan. Bu kiyimni hukmdor kiygan. Bu qandaydir marosim kiyimi bo‘lgan. Shunisi ahamiyatliki, ushbu dafnga hali hech kim tegmagan”, — deydi Beysenov.
Uzoq vaqt u haqida Qozog‘istondan tashqarida hech kim bilmasdi. Bugungi kunda esa u “Tilla odam” nomi bilan mashhur hamda Qozog‘iston ramziga aylangan.
11-aprel kuni O‘zbekiston Davlat san’at muzeyida “Buyuk dasht merosi: zargarlik san’ati shoh asarlari” ko‘rgazmasi ish boshlaydi. Ko‘rgazmada Qozog‘iston milliy muzeyi fondian 106 ta eksponat namoyishga qo‘yiladi.
Izoh (0)