Alisher Navoiy nomidagi Toshkent davlat o‘zbek tili va adabiyoti universiteti O‘zbekiston OTMlari ichida birinchilardan bo‘lib, o‘zining Rossiyadagi hamkori Nijniy Novgorod davlat lingvistika universitetiga 10 nafar iqtidorli talaba va 3 nafar professor-o‘qituvchini yubordi. Bu haqda universitet matbuot xizmati “Daryo”ga ma’lum qildi.
Ular belgilangan muddat davomida NDLUda dars mashg‘ulotlari olib boradi, maxsus ular uchun tuzilgan dasturda belgilangan shaharning muhim tarixiy, ilmiy va ko‘ngilochar maskanlariga tashrif buyuradi, rus va ingliz tillaridan olgan bilimlarini mustahkamlaydi.
Shuningdek, ular shaharda O‘zbekiston kunlarini o‘tkazadi.
Ma’lum qilinishicha, kelgusi o‘quv yilida O‘zbek tili va adabiyoti universiteti “Mavlono” dasturi bo‘yicha 150 nafar talabasini Turkiya OTMlariga yuboradi.
Izoh (0)