Buxoroda qamoqxona xizmatchisini pora evaziga og‘dirmoqchi bo‘lgan shaxslar qo‘lga olindi. Bu haqda UzNews xabar berdi.
2019-yil 28-mart kuni Samarqand shahri yashovchi advokatlik firmasi ish yurituvchisi U.A. va yakka tartibda ishlovchi D.V. (ayol) tanishlari, qotillik va bosqinchilik jinoyatlari uchun Buxoro viloyatidagi koloniyada jazo o‘tayotgan mahkum D.B bilan uzoq muddatli uchrashuvga kirish uchun sharoit yaratib berish evaziga ushbu muassasada xizmat olib boruvchi qorovul qo‘shinlari nazoratchi xodimi B.Q.ga 100 AQSh dollari berishga urinadi.
Ular bu pulni pora sifatida berayotganida IIV O‘z xavfsizligi boshqarmasi Buxoro viloyati bo‘yicha bo‘limi xodimlari tomonidan ushlanib, ashyoviy dalil tegishli tartibda rasmiylashtirilgan.
Mazkur holat yuzasidan JKning 213-moddasi 3-qismi (xizmatchini pora berish evaziga og‘dirish) bilan jinoyat ishi qo‘zg‘atilib, tergov harakatlari olib borilmoqda.
Izoh (0)