Madaniyat vazirining birinchi o‘rinbosari Ozodbek Nazarbekov o‘zi tahsil olgan Andijon viloyatining Shahrixon tumanidagi 1-umumta’lim maktabiga tashrif buyurdi. Bu haqda “Daryo” muxbiri xabar bermoqda.
— O‘quvchimning maktabimizga kelganidan xursand bo‘ldim. U bilan diydorlashish, suhbat qurishni juda sog‘ingandim. O‘zi tahsil olgan ushbu dargohga badiiy kitoblarni sovg‘a qilgani yoshlarni yanada mutolaaga chorlashi shubhasiz, — deydi ona tili va adabiyoti fani o‘qituvchisi Robiya aya Ma’rupova.
O‘zbekiston va Qoraqalpog‘iston xalq artisti Ozodbek Nazarbekov shaxsiy kutubxonasidagi nodir asarlardan maktab axborot-resurs markaziga tuhfa etdi. O‘nlab o‘quvchilarga esa esdalik uchun kitoblar taqdim qildi.
Shundan so‘ng tuman madaniyat va aholi dam olish markazida shahrixonliklar bilan uchrashuv tashkil etildi.
Izoh (0)