Chirchiq oliy tank qo‘mondonlik-muhandislik bilim yurtining bir guruh kursantlari uchun Kamoliddin Behzod nomidagi Sharq miniatyura san’ati muzeyiga ekskursiya uyushtirildi. Bu haqda Mudofaa vazirligi matbuot xizmati “Daryo”ga ma’lum qildi.
Ekskursiya davomida kursantlar “Etirof” milliy mukofoti sovrindori, musiqa asboblari ustasi Rahmatilla Zokirovning “Sog‘inch” nomli shaxsiy ko‘rgazmasida qatnashdi.
Ko‘rgazma davomida kursantlar usta tomonidan yaratilgan 20 dan ziyod musiqa asboblari – dutor, tambur, rubob, tor, g‘ijjak bilan yaqindan tanishish imkoniga ega bo‘lishdi.
Bo‘lajak ofitserlar va ijodkor o‘rtasida bo‘lib o‘tgan suhbat ham mazmunli va taassurotlarga boy bo‘ldi. Tadbir davomida harbiy xizmatchilar muzey ekspozitsiyasidan o‘rin olgan miniatyura asarlari haqida bilib olishdi.
Izoh (0)