Чирчиқ олий танк қўмондонлик-муҳандислик билим юртининг бир гуруҳ курсантлари учун Камолиддин Беҳзод номидаги Шарқ миниатюра санъати музейига экскурсия уюштирилди. Бу ҳақда Мудофаа вазирлиги матбуот хизмати «Дарё»га маълум қилди.
Экскурсия давомида курсантлар «Этироф» миллий мукофоти совриндори, мусиқа асбоблари устаси Раҳматилла Зокировнинг «Соғинч» номли шахсий кўргазмасида қатнашди.
Кўргазма давомида курсантлар уста томонидан яратилган 20 дан зиёд мусиқа асбоблари – дутор, тамбур, рубоб, тор, ғижжак билан яқиндан танишиш имконига эга бўлишди.
Бўлажак офицерлар ва ижодкор ўртасида бўлиб ўтган суҳбат ҳам мазмунли ва таассуротларга бой бўлди. Тадбир давомида ҳарбий хизматчилар музей экспозициясидан ўрин олган миниатюра асарлари ҳақида билиб олишди.
Изоҳ (0)