Soniya Temirxonova “Qozoq go‘zali —2019” tanlovi g‘olibi bo‘ldi

Qozog‘istonda “Qozoq go‘zali —2019” tanlovi g‘oliblari aniqlandi, deb xabar berdi “Tengrinews”.

Ushbu e’tirof uchun mamlakatning turli viloyatlaridan 18 nafar qiz bellashdi.

Ushbu loyiha ishtirokchisiga aylanish uchun nafaqat tashqi go‘zallik, balki qozoq xalqi urf-odatlari bo‘yicha bilimga ham ega bo‘lish talab etiladi.

Asosiy talab esa davlat tilini mukammal bilish hisoblanadi.

Pavlodarlik Soniya Temirxonova tanlovning mutloq g‘olibi bo‘ldi. U go‘zallik tanlovining respublika bosqichida Pavlodar nomidan ishtirok etgan edi.

Tanlovning birinchi o‘rnini Oyxonim O‘rinbekoba, ikkinchi o‘rnini Anna Vaydurova, uchinchi o‘rnini Saya Tursinbekova qo‘lga kiritdi.

https://www.instagram.com/p/BvMjUMQBrJj/