“Chelsi” yarim himoyachisi Eden Azar yozda “Real” o‘yinchisiga aylanishi mumkin, deb xabar beradi AS.
Shu vaqtga qadar Belgiya terma jamoasi xavbeki bir necha bor Madrid klubini o‘tishni xohlashini ma’lum qilgandi. U yangi mavsum oldidan o‘z orzusini amalga oshirishni rejalashtirmoqda.
AS’ning ma’lumot berishicha, Azar yoshlikdagi kumiri Zinedin Zidan “Qirollik klubi”ga qaytmagan taqdirda ham o‘tishni xohlardi. Endi esa Zidanning klubga qaytishi uning xohishini yanada kuchaytirib yuborgan bo‘lishi mumkinligi taxmin qilinmoqda.
Xabarlarga ko‘ra, “Chelsi” Azarni 100-120 million yevroga baholamoqda. Belgiyalikning “aristokratlar” bilan tuzgan shartnomasi 2020-yilgacha amal qiladi.
Azar atrofidagi manbalarga ko‘ra, “Chelsi” ikkita transfer oynasi vaqtida yangi futbolchi sotib ololmasligiga qaramay, yozda yarim himoyachini qo‘yib yuborishga qaror qildi.
Eslatib o‘tamiz, avvalroq London klubi rahbariyati yarim himoyachi Eden Azar bilan shartnoma muddatini uzaytirishga uringandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)