Penzada hamkasbi va hamyurtini o‘ldirgan 54 yashar O‘zbekiston fuqarosiga hukm chiqarildi. Bu haqda Rossiya Tergov qo‘mitasining viloyat boshqarmasi ma’lum qildi.
Tergov qo‘mitasi xabariga ko‘ra, Penzaga o‘tgan yil bahorida ishlashga kelgan o‘zbekistonlik ikki quruvchi 2018-yil 2-sentabr kuni ishdan keyin kafega kirib, spirtli ichimlik iste’mol qiladi. Uyga qaytayotganda ular o‘rtasida mojaro yuzaga keladi.
Jabrdiyda ishidan va unga to‘lanayotgan haqdan norozilik bildiradi. Sherigi esa o‘ziga boshqa ish qidirishi mumkinligini aytadi.
Janjal vaqtida ayblanuvchi sherigining boshi va ko‘kragiga musht tushiradi, so‘ng bo‘g‘a boshlaydi. 1977-yilda tug‘ilgan o‘zbekistonlik hodisa joyida hayotdan ko‘z yumadi.
Sud hukmi bilan erkakka yetti yillik qamoq jazosi belgilandi. U jazoni qattiq tartibli koloniyada o‘taydi.
Izoh (0)