Пензада ҳамкасби ва ҳамюртини ўлдирган 54 яшар Ўзбекистон фуқаросига ҳукм чиқарилди. Бу ҳақда Россия Тергов қўмитасининг вилоят бошқармаси маълум қилди.
Тергов қўмитаси хабарига кўра, Пензага ўтган йил баҳорида ишлашга келган ўзбекистонлик икки қурувчи 2018 йил 2 сентябрь куни ишдан кейин кафега кириб, спиртли ичимлик истеъмол қилади. Уйга қайтаётганда улар ўртасида можаро юзага келади.
Жабрдийда ишидан ва унга тўланаётган ҳақдан норозилик билдиради. Шериги эса ўзига бошқа иш қидириши мумкинлигини айтади.
Жанжал вақтида айбланувчи шеригининг боши ва кўкрагига мушт туширади, сўнг бўға бошлайди. 1977 йилда туғилган ўзбекистонлик ҳодиса жойида ҳаётдан кўз юмади.
Суд ҳукми билан эркакка етти йиллик қамоқ жазоси белгиланди. У жазони қаттиқ тартибли колонияда ўтайди.
Изоҳ (0)